PUPUH
1.
PUPUH
ASMARANDANA
Piwuruk
Sepuh
v Ngariung ditengah bumi,
Pun biang sareng pun bapa,
Jisim abdi diuk mando,
Khusu ngupingkeun pituah,
Piwejang ti anjeuna,
Pituduh laku rahayu,
Piwejang sangkan waluya.
v Kapan pidawuh Ilahi,
Dawuhan Allah Ta’ala,
Kedah hormat handap asor,
Ka ibu sareng ka rama,
Teu hilap tatakrama,
Hormat tilawat kasepuh,
Insya Allah bakal mulya.
2.
PUPUH BALAKBAK
Dayeuh
Bandung
v Dayeuh Bandung kiwari truing ku rame-araheng,
Gedong-gedong pajangkung-jangkung wangunna-alagreng,
Tutumpakan-tutumpakan balawiri lalar liwat-garandeng.
v Dayeuh Bandung piara kusararea-sing sae,
Masing-masing merenah tur tumaninah-kahade,
Dayeuh Bandung jadi ciri Tatar Sunda-nu sae.
3.
PUPUH
DANGDANGGULA
Milang
Kala
Dinten ieu estu bingah ati,
Kujalaran panceg milang kala,
Kanging kurnia ti Allah,
Rehing nambihan umur,
Tepung tahun umur sim abdi,
Heunteu weleh neneda,
Ka Gusti Nu Agung,
Nalar umur teh mangpa’at,
Tebih bahala turta pinarinan rijki,
Sumujud ka Pangeran.
4.
PUPUH DURMA
Lemah
Cai
v Nagri urang ketelah Indoesia,
Diriksa tur dijaring,
Sumirat komarana,
Berkahna Pancasila,
Ageuman eusining nagri,
Yu sauyunan,
Ngawangun lemah cai.
v Nagri urang kudu dijaga tohaga,
Hirup guyub ngahiji,
Tekad babarengan,
Mageuhan kamerdekaan,
Lemah cai jati diri,
Indonesia,
Muga wibawa mukti.
5.
PUPUH GAMBUH
Kaduhung
v Kaduhung sagede gunung,
Kuring sakola teu jucung,
Lalawora reuseup ulin,
Hanjakal tara tiheula,
Ayeuna kari peurihna.
v Kaduhung kuring kaduhung,
Teu nurut kana piwuruk,
Piwejang sareng pieling,
Ti bapa jeung ibu guru,
Diajar teu soson-soson.
6.
PUPUH GURISA
Si
Kabayan
v Si Kabayan lalamunan,
Pangrasa bisa nyetiran,
Motor atawa sedan,
Poho keur eundeuk-eundeukan,
‘na dahan emplad-empladan,
Gujubar kana susukan.
7.
PUPUH JURU
DEMUNG
Embung
Hina Hayang Agung
v Lolobana mungguh jalma,
Empung hina hayang agung,
-(embung hina hayang agung)-
Hayang hirup mukti,
-(hayang hirup)
-(hayang hirup mukti)-
Tapina embung tarekah,
Tinangtu mo bakal nanjung.
8.
PUPUH KINANATI
Kayaan
Indung Jeung Bapa
v Kanyaah indung ‘mo suwung,
Lir jaladri tanpa tepi,
Lir gunung tanpa tutugan,
Asihna teuing ku wening,
Putra teh didama-dama,
Dianggo pupunden ati.
v Kanyaah bapa oge kitu,
Ka putra teu weleh asih,
Diurus jeung dibayuan,
Dudungaan diang wengi,
Sangkan putra the utama,
Tebih ti panca balai.
9.
PUPUH LAMBANG
Wawangsalan
Diajar wawangsalan,
Saperti tatarucingan,
Cik naon atuh maksudna,
Teangan naon wangsalna,
Gedong ngambang di sagara,
Ulah kapalang diajar,
Keuyeup gede di lautan,
Kapitineung salawasna.
10.
PUPUH LADRANG
Mokahaan
Aya hiji anak bangkong leutik,
Mokahaan,
Maksudna ngelehkeun sapi,
Nahan napas antukna bitu beuteungna.
11.
PUPUH MAGATRU
Kasar-Lemes
v Dupi irung lemesna teh nya pangambung,
Pipi mah disebat damis,
Upami buuk mah rambut,
Ceuli sok disebat ceupil,
Kasarna angkeut mah gado.
v Nun sumuhun nu ieu namina curuk,
Nu alit namina cingir,
Nu tengah nami jajangkung,
Gigireunana jariji,
Anu ageung nami jempol (n)
12.
PUPUH MASKUMAMBANG
Budak
Jail
v Anak manuk dikatepel budak jail,
Jangjangna geutihan,
Rek hiber teu bisa usik,
Duh manusa kaniaya.
v Hayam jago jawerna pinuh ku geutih,
Murudul buluna,
Panona bocos kasiih,
Diadukeun jeung baturna.
13.
PUPUH MIJIL
Nuntut
Elmu
v Sanajan cicing ditepiswiring,
Kade ulah bodo,
Kudu tetep nuntut elmu bae,
Sabab jalma nu loba pangarti,
Hirup tangtu hurip,
Mulus tur rahayu
v Komo deui di jaman kiwari,
Kade ulah poho,
Teknologi tambah maju bae,
Lamun urang teu loba pangarti,
Hirup moal hurip,
Tinggaleun ku batur.
14.
PUPUH PANGKUR
Ka
Sakola
Seja miang ka sakola,
Rek diajar nambahan elmu pangarti,
Pigeusanen bekel hirup,
Sabab mungguning manusa.
Kudu pinter beunghar ku elmu panemu,
Komo jaman pangwangunan,
Urang kudu singkil bakti.
15.
PUPUH PUCUNG
Tatakrama
v Mangka inget tatakrama sopan santun,
Tanda jalma iman,
Nyarita jeung amis budi,
Da basa mah lain barang nu mahal.
v Sopan santun cirina jalma linuhung,
Ahlak tatakrama,
Budi parangi utami,
Jadi ciri manusa hade ahlakna.
16.
PUPUH
WIRANGRONG
Sieun
Doraka
v Kuring moal deui-deui,
Gaduh panata nu awon,
Ngabantah nu jadi indung,
Sieun dibendon ku Gusti,
Kawas dalem boncel tea,
Doraka ti ibu rama.
v Malin Kundang oge sami,
Tukang ngalawan ka kolot,
Ka indung bapa teu ngaku,
Lajeng dihukum ku Gusti,
Jadi batu di lautan,
Doraka ti ibu rama.
17.
PUPUH SINOM
Tatar
Sunda
v Tatar Sunda estu endah,
Lemah cai awit jadi,
Sarakan asal gumelar,
Amanat Ilahi Robbi,
Titipan nini aki,
Wajib dijaga dijungjung,
Basa katut budayana,
Padumuka luhung budi,
Insya Alloh Tatar Sunda karta harja.
v Tatar Sunda lir permata,
Endah asri tanding leuwih,
Mustika hatulistiwa,
Lir jamrud inten widuri,
Wajib pada ngajagi,
Payus ditukeuran umur,
Bebela ka sarakan,
Lali rabi tega pati,
Tatar Sunda wajib diraksa dijaga.
